Dis Parfüm

Werner Brechbühl, 22.03.2018


Das Hemmli, woni i der Nacht bi dir

ha anne gha, lyt ufem Bett vor mir.

I leges wieder a für furt, u fyn

stygt mir e Duft id Nase: dis Parfüm.

U mit däm Duft isch alles wieder da -

die wunderbari Nacht, wo mir hei gha.

 

I gseh di wieder i dim schwarze Chleid.

I gloub, du heschs denn nume für mi treit.

Dermit hesch du mir gseit: Hüt sy mer frei,

chumm nume zue mer, jitz bisch da dehei.

 

I schmöcke uf der Zunge no der Wy,

wo mir hei zäme trunke u derby

hei lysli Musig g lost vor em Cheminée,

u ds Zämesy isch gwachse meh u meh.

 

I ghöre d Stilli wo mir nümm hei gseit,

wo üs die grossi Wälle furt het treit,

wo mir hei ändlech gschlafe mitenand -

verlore u verwachse inenand.

 

I flippe us wenn i di gseh,

u es tuet mer fasch chli weh,

wenn i dänke, was i alls mit dir möcht mache.

Böim usrysse wär nid schlächt,

e Bärg versetze äbe rächt,

aber vielech tätis ou paar simpli Sache.

 

Möcht einisch mit dir loufe, bloss zum Spass,

mit blutte Füess dür ds morgenasse Gras.

Der Aare na spaziere ohni Ziel

u wüsse, all das isch nid bloss es Spiel.

Möcht einisch näb dir voller Zärtlechkeit

im Bett erwache, gspüre d Gmeinsamkeit

u merke, wie das Gfüel, wo üs jitz treit,

d Zyt verwandlet i ne Ewigkeit.

 

Das Hemmli woni i der Nacht bi dir

ha anne gha, lyt ufem Bett vor mir.

I leges wieder a für furt, u fyn

stygt mir e Duft id Nase: dis Parfüm.

 

2  Kommentare

  • Anna Baum
    09.04.2018 18:23 Uhr

    Lieber Werner

    Selten habe ich von einem Mann so gefühlvolle Worte gehört. Es ist schön zu wissen, dass es anscheinend immer noch, wenn auch nur vereinzelt, solche Männer gibt. Ich habe deine Lyrik mehrmals durchlesen müssen. Berndeutsch geschrieben ist mir nicht so geläufig. Gefallen hat mir am Besten die Stelle, wo du aufzählst was du alles noch mit deiner Frau zusammen machen möchtest. "Bäum usriesse", mach es, mach es sofort, denn schnell kann sich alles ändern, auf einen Schlag. Ich danke dir für diese eindrucksvollen Verse, mach weiter so!

    Liebe Grüsse, Anna

  • Werner Brechbühl
    11.04.2018 10:32 Uhr

    Liebe Anna

    Dein Kommentar freut mich ganz fest und ich danke dir dafür. "Dis Parfüm" ist eigentlich ein Lied, das ich vor vielen Jahren geschrieben habe. Ich habe den Text für die Kolumne genommen, weil mein Herz auch im fortgeschrittenen Alter ab und zu noch stolpert - ich meine dies nicht gesundheitlich ;-)

    Also werde ich weiter - so gut ich noch kann - Bäume ausreissen und Berge versetzen. Und natürlich Lieder schreiben.

    Herzlich, Werner

     

Schreiben Sie einen Kommentar zu dieser Seite

Antwort auf:  Direkt auf das Thema antworten

Autorinnen und Autoren

Batliner Benita

Batliner Benita

Brechbühl  Werner

Brechbühl Werner

 
Büchel Neuhold, Elisabeth

Büchel Neuhold Elisabeth

Dressler Birgit

Dressler Birgit

 
Hengartner Monika

Hengartner Monika

Keller Eveline

Keller Eveline

 
Klassen Anna

Klassen Anna

Gaby Kratzer

Kratzer Gaby

 
Petra Lienhard

Lienhard Petra

Lüthi Verena

Lüthi Verena

 
Marti-Neuenschwander Monika

Marti-Neuenschwander Monika

Silvia Trinkler

Trinkler Silvia

 
Uetz-Manser Verena

Uetz-Manser Verena

 

Kontakt

Generationen unterwegs
Im Bahnhof
CH-8590 Romanshorn 

E-Mail schreiben

Kontakt

Generationen unterwegs
Im Bahnhof
CH-8590 Romanshorn 

E-Mail schreiben

 
Diese Webseite verwendet Cookies. Durch die Nutzung der Webseite stimmen Sie der Verwendung von Cookies zu. Datenschutzinformationen